“Qalatasaray” 3 qolla qalib gəldi

05.02.2014 - 21:55

Futbol üzrə Türkiyə kubokunda qrup mərhələsinin növbəti görüşləri keçirilib. Apasport.az saytının məlumatına görə, “Qalatasaray” bu gün B qrupu çərçivəsində 5-ci matçına çıxıb.

“Cim-Bom” səfərdə 2-ci dəstə təmsilçisi “Tokatspor”la üz-üzə gəlib. Əsasən yeni transferləri ilə meydana çıxan İstanbul klubu rəqibini 0:3 hesabı ilə üstələyib. Qalib komandanın qollarını İzzət Hayroviç (26), Yekta Kurtuluş (40) və Veysəl Sarı (83) vurub.

Qeyd edək ki, B qrupundakı digər matçda isə, “Antalyaspor” evdə “Elazığspor”u 2:1 hesabı ilə məğlub edib.