May ayında “Qalatasaray”da keçiriləcək prezident seçkiləri zamanı namizədliyini irəli sürəcək Turqay Kıran indidən vədlər verməyə başlayıb. Apasport.az-ın məlumatına görə, Kıran yerli mətbuata açıqlamasında hazırkı baş məşqçi Hamza Hamzaoğlunu postunda saxlayacaqlarını deyib.

O, bildirib ki, prezident seçilərsə, idman direktoru vəzifəsinə məşhur sima gələcək. Kıran hətta namizədlərinin adlarını da açıqlayıb: “Hamzaoğlunu 8-10 il komandanın başında saxlamaq istəyirik. Amma ona məsləhət verəcək, kömək edəcək bir idman direktoru lazımdı. Hazırda Arsen Venger və Xuande Ramosla danışıqlar aparırıq. Hər ikisi layihəmizi gördükdən sonra “Qalatasaray”da çalışmağa müsbət yanaşıb. Onlardan birini gətirməyi düşünürük”.

Qeyd edək ki, Turqay Kıran əvvəllər “Qalatasaray”da vitse-prezident vəzifəsində çalışıb.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı