“Qalatasaray”ın futbolçusu Nordin Amrabat karyerasını İspaniya La Liqasında davam etdirəcək. Apasport.az saytının “Ntv Spor”a istinadən məlumatına görə, “Malaqa” 26 yaşlı yarımmüdafiəçini heyətinə qatıb.

Mərakeşli futbolçu mövsüm sonuna kimi, yeni komandasında icarə əsasında çıxış edəcək. Anlaşmaya görə ispan klubu bu keçid üçün "Cim-Bom"a heç bir məbləğ ödəməyəcək. Onlar sadəcə olaraq, mərakeşli futbolçunun 6 ay ərzində İstanbul təmsilçisindən alacağı maaşı öhdələrinə götürüblər.

Qeyd edək ki, Mərakeş millisinin də üzvü olan Amrabat 2012-ci ildə digər Türkiyə Superliqası təmsilçisi “Kayserispor”dan “Qalatasaray”a transfer olunub.

• “Mançester Siti”dən 145 milyon avroluq bomba – 5 illik müqavilə
• "Qalatasaray"dan növbəti transfer: Fransız müdafiəçi
• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a