[b]“Qarabağ” üçün 3 nümunə[/b]

16.07.2015 - 09:55

Çempionlar Liqasının II təsnifat mərhələsində Monteneqronun “Rudar” klubuna qalib gələ bilməyən “Qarabağ” evdə keçirdiyi ilk matçda 0:0 hesabı ilə kifayətlənib. Apasport.az saytının məlumatına görə, bu, Azərbaycan klublarının avrokuboklar tarixində 10-cu belə matçıdı.

İndiyədək “Neftçi” 4, “Bakı” ilə “Qarabağ” hərəyə 2, “MKT-Araz” və “İnter” isə hərəyə 1 dəfə belə halla üzləşib. Əvvəlki 9 dueldən yalnız 3-də təmsilçilərimiz səfərdə uğur qazanıb. Bu isə komandalarımızın hər 3 oyundan birində uğur qazanması deməkdi.

İlk belə nəticənin müəllifi “İnter”di. Bakılılar həm də Çempionlar Liqasındakı 4 dəfə belə duruma düşən komandalarımız arasında mərhələ adlayan yeganə klubdu.

“Neftçi” və “Qarabağ”ın ötən mövsümə təsadüf edən uğurları isə Avropa Liqasında qeydə alınıb. “Ağ-qaralar” evdəki qolsuz heç-heçədən sonra səfərdə qalib gələn yeganə təmsilçimizdi. Çünki “İnter”lə “Qarabağ” səfər qolu ilə sevinib.

2001/02	UEFA kuboku	Neftçi – HİT Qoritsa (Sloveniya)	0:0	0:1
2004/05	Çempionlar Liqası	Neftçi – MOİK (Rusiya)	0:0	0:2
2007/08	UEFA kuboku	MKT Araz – Qrotslin (Polşa)	0:0	0:1
2008/09	Çempionlar Liqası	İnter - Rabotniçki (Makedoniya)	0:0	1:1
2009/10	Çempionlar Liqası	Bakı - Levski (Bolqarıstan)	0:0	0:2
2012/13	Avropa Liqası	Bakı – Mura (Sloveniya)	0:0	0:2
2013/14	Çempionlar Liqası	Neftçi – Skenderbeu (Albaniya)	0:0	0:1
2014/15	Avropa Liqası	Neftçi – Çixura (Gürcüstan)	0:0	3:2
2014/15	Avropa Liqası	Qarabağ – Tvente (Hollandiya)	0:0	1:1