İtaliyanın məşhur “La Gazetta Dello Sport” nəşri ötən həftəsonu Avropanın daxili çempionatlarında ən yaxşı çıxış etmiş futbolçulardan ibarət heyət müəyyənləşdirib. Apasport.az saytının məlumatına görə, simvolik “11-lik”də Azərbaycan futboluna tanış olan iki oyunçu da var.
Bunlar Dortmund “Borussiya”sının hücumçusu Pyerr-Emerik Obameyanq və “Tottenhem”in forvardı Harri Keyndi. 3-4-3 taktiki sxemdə bu oyunçular “Rayo Valyekano”lu Xavi Querra ilə birlikdə hücum xəttində yer alıblar. Obameyanq Bundesliqanın X turunda “Auqsburq”la, Keyn isə Premyer Liqanın X turunda “Burnemut”la qarşılaşmada het-trik edərək simvolik heyətə düşüb. Maraqlıdı ki, hər iki komanda rəqibini 5:1 hesabı ilə məğlub edib.
“La Gazetta Dello Sport”un simvolik “11-liy”i belədi: Keylor Navas (“Real”, İspaniya) – Roderik Filippi (“Ayaçço”, Fransa), Yulian Korb (“Borussiya”, Mönhenqladbax, Almaniya), Aron Kressvell (“Vest Hem”, İngiltərə) – Santi Kazorla (“Arsenal”, İngiltərə), Yevgeni Konoplyanka (“Sevilya”, İspaniya), Matyu Valbuena (“Lion”, Fransa), Okay Yokuşlu (“Trabzonspor”, Türkiyə) – Xavi Querra (“Rayo Valyekano”, İspaniya), Pyerr-Emerik Obameyanq (“Borussiya”, Dortmund, Almaniya), Harri Keyn (“Tottenhem”, İngiltərə).
Qeyd edək ki, Obameyanq oktyabrın 22-də Avropa Liqasının qrup mərhələsi çərçivəsində “Qəbələ” ilə Bakıdakı matçda 3 qola (3:1) imza atmışdı. Keyn isə sentyabrın 19-da “Qarabağ”la Londondakı qarşılaşmada “Tottenhem”in (3:1) qələbəsinə 1 məhsuldar ötürmə ilə töhvə vermişdi.
Oxşar xəbərlər
Ana səhifə
Bütün xəbərlər