“Qəbələ”nin əvəzedici komandası Türkiyənin Antalya şəhərindəki təlim-məşq toplanışında növbəti yoxlama oyununu keçirib. Apasport.az-ın klubun rəsmi saytına istinadən məlumatına görə, Qazaxıstanın “Tobol” və Almaniyanın “Freyberq” klubları ilə görüşən Luis Araqonun komandası bu dəfə Afrika təmsilçisi ilə üz-üzə gəlib.
Belə ki, “qırmızı-qaralar” Qananın “Liberti” klubunun əvəzedici heyəti ilə qarşılaşıb.
Komandanın əvvəlki oyunlarında olduğu kimi bu dəfə də qarşılaşmada iki qol vurulub. “Qəbələ” Antalya toplanışında ikinci məğlubiyyətini 2 cavabsız qol buraxmaqla alıb – 0:2.
Antalyadakı ilk oyununda eyni hesabla “Tobol”a uduzan əvəzedicilər Qana klubuna da həmin nəticə ilə məğlub olub. Almaniyanın aşağı dəstə təmsilçisi “Freyberq”lə qarşılaşmada isə tərəflərdən hərəsi bir qol vurmuşdu – 1:1.
Qeyd edək ki, Antalya təlim-məşq toplanışının sonunadək “Qəbələ”nin əvəzedicilərinin yenidən meydana çıxacağı planlaşdırılıb.
Oxşar xəbərlər
Ana səhifə
Bütün xəbərlər