“Xəzər Lənkəran” düşərgəsinə yeni futbolçu dəvət edib. Apasport.az saytının məlumatına görə, hazırda Türkiyənin Antalya şəhərində təlim-məşq toplanışında olan cənub təmsilçisi braziliyalı Tieqonu transfer etməyə yaxındır.
Tam adı Villian Tieqo de Xesus olan 28 yaşlı mərkəz müdafiəçisinin son klubu “Fiqueyrense” olub.
2013-cü ili bu komandada keçirən arxa xətt oyunçusu karyerası boyu vətənində “Serqipe”, “Qremio”, “Bahia” və “Çeara”nın, Yaponiyada isə “Kioto Sanqa”nın şərəfini də qoruyub.
Villian Türkiyəyə yollanmazdan əvvəl “Fiqueyrense” azarkeşlərinə müraciət edib: “Hamınızı çox sevirəm. Qızım xəstə olarkən, klub və azarkeşlər tərəfindən aldığım dəstəyi heç vaxt unutmaram. Lakin mən aldığım təklifi dəyərləndirməyə bilmərəm. Bu üzdən sizlərlə vidalaşıram”.
Oxşar xəbərlər
Ana səhifə
Bütün xəbərlər