Yeni mövsümdən Azərbaycan Premyer Liqasında çıxış edəcək “Rəvan” ilk müqavilələri imzalamağa hazırlaşır. Apasport.az saytına klubun mətbuat xidmətindən verilən məlumata görə, “aslanlar”la münasibətləri rəsmiləşdirəcək futbolçuların ilk siyahısı artıq bəllidi.

Bir vaxtlar milli üzləri olan Ramazan Abbasov və Fərid Quliyev, həmçinin Hüseyn Axundov hazırda “Rəvan”ın heyətində baxışdadılar. “Aslanlar”ın Zaqataladakı təlim-məşq toplanışında iştirak edən adıçəkilən oyunçular baş məşqçi Emin Quliyevin etimadını doğrultmağa çalışırlar. Onlarla hələlik müqavilə imzalanmasa da, hər 3 futbolçunun növbəti mövsümü “Rəvan”da keçirmək variantı real görünür.

Bundan əlavə, daha bir futbolçu tezliklə “Rəvan”la müqaviləyə qol çəkəcək. Söhbət “Bakı” klubunun yetirməsi Vüqar Bəybalayevdən gedir. Gənc yarımmüdafiəçi də artıq “Rəvan”ın düşərgəsinə qoşulub və komanda ilə birgə məşqlərdə iştirak edir.   

• "Real"da ciddi itki: VALVERDENİN DURUMU BƏLLİ OLDU
• Tuxeldən sürpriz qərar – 16 yaşlı “Arsenal”lı İngiltərə millisinə qoşula bilər
• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika