Topaz Premyer Liqasının XVI turu çərçivəsində “Bakı”nın qonağı olacaq “Xəzər Lənkəran” qarşılaşmanın təbii örtükdə keçiriləcəyini nəzərə alıb məşqlərini Azərbaycan Dövlət Bədən Tərbiyəsi və İdman Akademiyasında davam etdirir. Klubdan apasport.az saytına verilən məlumata görə, cənub təmsilçisi bu görüşə ciddi itkilərlə çıxacaq.

Hazırda heyətdə 3 zədəli oyunçu var. Bunlar Rasim Ramaldanov, Adrian Skarlatake və Rauf Əliyevdi. İlk iki futbolçunun əzələsi dartılıbsa, Əliyevin diz oynağında problem var. Hər 3 oyunçu hələ də fərdi məşqlərlə kifayətlənir. Onların “Bakı” ilə qarşılaşmanı buraxacaqları dəqiqdi.

Qeyd edək ki, “Bakı” – “Xəzər Lənkəran” oyunu dekabrın 14-də keçiriləcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı