Yeni mövsüm hazırlıqlarını Türkiyənin Kapadokiya bölgəsində davam etdirən “Xəzər Lənkəran”ın növbəti hazırlıq oyunu keçirəcəyi rəqiblərinin kimliyinə aydınlıq gəlib. Apasport.az saytının məlumatına görə, cənublular Türkiyənin həvəskarlar liqasında iştirak edən “Antalya Kundu Spor” və Superliqa təmsilçisi “Kayserispor”la qarşılaşacaqlar.

İlk matç bu gün, Bakı vaxtı ilə saat 20:00-da klubun yerləşdiyi otelin stadionunda oynanılacaq.

“Kayserispor”la qarşılaşma isə iyulun 21-də baş tutacaq.

Bu matçlara qədər Yunis Hüseynovun yetirmələri artıq iki görüşdə gücünü sınayıb.

Xatırladaq ki, ilk iki oyunda “Xəzər Lənkəran” “Niğdespor”a qalib gəlib (1:0), Super Liqa təmsilçisi “Kasımpaşa”ya isə məğlub olub (0:2).

• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ
• İngiltərə millisində zədə şoku - 5 futbolçu düşərgəni tərk etdi