Milli komandamız DÇ-2018-in seçmə mərhələsi çərçivəsində Çexiya səfərindən 1 xalla qayıdır. Apasport.az saytının məlumatına görə, qrupda keçirdiyi 3-cü matçda da qol buraxmayan Robert Prosineçkinin yetirmələri 0:0 hesablı bərabərliklə xallarının sayını 7-yə yüksəldib.

Ostrava şəhərində baş tutan görüş meydan sahiblərinin ərazi üstünlüyündə keçib. Topa sahib olma 62% faiz çexiyalılarda olsa da, rəqib yığmamızın qapısına yol tapa bilməyib.

Ev sahibləri 17 dəfə zərbə vurmağa imkan tapıblarsa, millimizdə bu say 8 olub. Qapıçımız Kamran Ağayev 17 zərbədən 5-də məharətini nümayiş etdirməli olub. Komandamız isə aktivinə cəmi 1 dəqiq zərbə yazdıra bilib.