Azərbaycan millisinin futbolçusu Kamran Ağayev yenidən Topaz Premyer Liqasında meydana çıxacaq. Apasport.az saytının məlumatına görə, 30 yaşlı qapıçının adı bu gün keçiriləcək “İnter” – “Kəpəz” matçının protokoluna daxil edilib.

Paytaxt klubunda debüt edəcək Ağayev 425 gündən sonra Premyer Liqada oynamaq imkanı qazanıb. O, çempionatımızda sonuncu dəfə 2014-cü il dekabrın 21-də “Qəbələ” – “İnter” qarşılaşmasında forma geyinmişdi.

Həmin vaxt əyalət klubunun formasını geyinən qolkiper indiki komandasına qarşı oynamışdı. “İnter”lə qarşılaşmada rəqibini vurduğu üçün AFFA tərəfindən cəzalanan Kamran cari mövsümün ikinci yarısının ilk 3 matçını da buraxmışdı. “İnter”lə oyundan sonra Türkiyədə legioner həyatı yaşayan qolkiper 1 il 2 aydan sonra “bankirlər”in üzvü kimi “İnter Arena”ya çıxacaq.

Qeyd edək ki, Ağayev Premyer Liqa karyerasında keçirdiyi 192 matçda 153 qol buraxıb.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”