İspaniya Kral Kubokunda 1/8 final mərhələsinin cavab oyunları keçirilib. Apasport.az saytının məlumatına görə, növbəti mərhələyə adlayan bütün komandaların adları artıq bəllidi.

Sequnda təmsilçisi “Mirandes”lə səfərdə qollu bərabərə qalan “Deportivo” gözlənilmədən öz meydanında böyük hesabla məğlub olaraq, mübarizəni dayandırıb.

“Sevilya” isə səfərdə olduğu kimi, doğma arenasında da “Betis”ə asanlıqla qalib gəlib. Bununla həm “Sevilya”, həm də “Mirandes” 1/4 finala vəsiqə əldə edib.

Dünən daha 4 görüş keçirilib. Kubokun son sahibi “Barselona” derbidə “Espanyol”un qonağı olub. “Nou Kamp”da 3 top fərqi ilə uduzan “Espanyol” güclü rəqibindən bunun əvəzini çıxa bilməyib. Luis Enrikenin komandası 2 qol vuraraq, qələbə qazanıb.

İddialı komandalardan “Selta” da 1/4 final məsələsini həll edib. Viqolular səfərdə asan qalib gəldiyi “Kadiz”ə evdə də heç bir şans verməyib - 2:0.

Azərbaycan yığmasının yarımmüdafiəçisi Eddi İsrafilovun formasını geyindiyi “Eybar” “Las Palmas”la səfərdə üz-üzə gəlib. Öz meydanında məğlub olan “Eybar” səfərdə də uduzub və mübarizəni dayandırıb.

Kral Kubokunun son finalçısı “Atletik” öz meydanında 1 top fərqi ilə məğlub etdiyi “Vilyareal”a səfərdə də eyni hesabla qalib gələrək, turu keçib.

Dünən keçirilən daha 2 oyunla 1/4 finalın bütün iştirakçıları müəyyənləşib. “Qranada”nın qonağı olan “Valensiya” ilk oyundakı darmadağının verdiyi rahatlıqla çıxdığı matçdan 3:0 hesablı qələbə ilə ayrılıb.

“Rayo Valyekano” ilə səfərdə qollu heç-heçə edən “Atletiko” isə bu dəfə rəqibinə heç bir şans verməyib. Dieqo Simeonenin yetirmələri doğma azarkeşləri qarşısında 3 qol vuraraq, növbəti mərhələyə adlayıblar.

İspaniya Kral Kuboku

Cavab oyunları

12 yanvar

“Deportivo” – “Mirandes” – 0:3

Qollar: Provensio, 41, 71, Bastidas, 55

İlk oyun - 1:1

“Sevilya” – “Betis” – 4:0

Qollar: Reyes, 4, Rami, 35, Qameyro, 73, Kakuta, 89

İlk oyun - 2:0

13 yanvar

“Selta” – “Kadiz” - 2:0

Qollar: Quidetti, 35, Draziç, 77

İlk oyun 3:0

“Vilyareal” – “Atletik” - 0:1

Qol: Villiams, 21

İlk oyun 2:3

“Espanyol” – “Barselona” - 0:2

Qollar: El Haddadi, 32, 88

İlk oyun 1:4

“Las Palmas” – “Eybar” - 3:2

Qollar: Xunka, 43, (öz qapısına), Momo, 59, Qarsia, 83 - Ekiza, 52, Enrix, 53

İlk oyun 3:2

14 yanvar

“Qranada” – “Valensiya” - 0:3

Qollar: Zahibo, 42, Pako, 63, Piatti, 83 (pen.)

İlk oyun 0:4

“Atletiko” – “Rayo Valyekano” - 3:0

Qollar: Korrea, 40, Qrizman, 80, 90+1

İlk oyun 1:1

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır