“Səbail”lə oyunda debüt edən “Neftçi”nin yeni oyunçusu Soni Mustivar matçdan sonra apasport.az saytının əməkdaşının da suallarını cavablandırıb.
- Azərbaycan çempionatında ilk matçınıza çıxdınız. Fikirləriniz necədir?
- Mənə elə gəlir ki, olduqca sürətli çempionatdı. Oyun da gərgin oldu. Matçın intensivliyi çox yüksək idi.
- Bura gələnə qədər uzun müddət meydandan kənar qalmışdınız. Uyğunlaşmaq çətin olmadı?
- Son klubumla müqaviləm bitmişdi, ona görə də 2 ay futbolsuz qaldım. “Neftçi”dən təklif aldım və bununla razılaşdım. Yaxşı komanda və tarixi klub olduğu üçün təklifi dəyərləndirdim.
- Hazırda “Qarabağ”da çıxış edən və Haiti millisindən komanda yoldaşınız olan Donald Gerye ilə məsləhətləşdinizmi?
- Geryedən Bakıda həyatın necə olduğunu öyrəndim. Çempionatla bağlı düşüncələrini soruşdum, o da bildirdi ki, Premyer Liqanın səviyyəsi yaxşıdır, rəqabət var.
- Qol epizodunda kuryoz hadisə oldu. İlk oyununda fərqlənməyə yaxın olsanız da, istifadə edə bilmədiniz...
- Bilərəkdən buraxmadım, amma yaxşı ötürmə alındı.
- Həyəcanlı idiniz?
- Heç bir həyəcandan söhbət gedə bilməz. Sadəcə topun traektoriyasını düzgün ölçmədim.
Oxşar xəbərlər
Ana səhifə
Bütün xəbərlər