Azərbaycan Premyer Liqasının XXV turunda “İnter”i qəbul edəcək “Zirə” matçın hazırlığına bu gündən etibarən başlayacaq. Apasport.az saytı xəbər verir ki, paytaxt klubu bu görüşdə 1 futbolçunun xidmətindən yararlana bilməyəcək.

Söhbət komandanın qapıçısı Anar Nəzirovdan gedir. Sarı vərəqə limitini doldurduğuna görə cəzalı duruma düşən təcrübəli qolkiper “İnter”lə matçı buraxacaq.

“Zirə”nin digər üzvü Sadiq Quliyev isə bu görüşdə komandasına kömək edə biləcək. “Qəbələ” ilə çempionat oyununda burnundan xəsarət alan müdafiəçi özünü yaxşı hiss edir. Həkimlər Quliyevin “İnter”ə qarşı oynamağında problemin olmadığını bildiriblər.

Qeyd edək ki, aprelin 10-da keçiriləcək “Zirə” – “İnter” görüşü saat 15:00-da start götürəcək. 

• "Qalatasaray" rəsmisi: "Həyatımda Ali Koç kimi prezident görməmişəm"
• “Napoli” Xviçaya əvəzedici tapıb
• “Fənər”dən Tuta həmləsi
• “Qalatasaray”dan rekord gəlir
• Ronaldo "Əl-Nəsr"lə şərik olacaq