[b]“Neftçi” hazırlığı qələbə ilə başa vurdu[/b]

23.01.2016 - 21:13

“Neftçi” təlim-məşq toplanışını başa vurub. Apasport.az saytının məlumatına görə, komanda toplanışın son günündə “Kəpəz”lə yoxlama oyunu keçirib.

“Bakcell Arena”da baş tutmuş görüş “ağ-qaralar”ın 2:1 hesablı qələbəsi ilə nəticələnib. “Neftçi”nin heyətində Ruslan Qurbanov “dubl”a imza atıb. O, 61 və 72-ci dəqiqələrdə fərqlənib.

Qeyd edək ki, “Neftçi” ikigünlük fasilədən sonra, yanvarın 26-da klubun təlim-məşq bazasında bir araya gələrək “Sumqayıt”la oyunun hazırlığına start verəcək.

Yoxlama oyunu
23 yanvar

"Neftçi" - "Kəpəz" - 2:1

Qollar: Ruslan Qurbanov, 61, 72 - Vladimir Korobka, 74

(klub saytı)