Ölkə çempionatının XVI turunda “Sumqayıt”ın qonağı olacaq “Neftçi” yeni transferi Mayk Kampazın xidmətindən bu görüşdə də yararlanmaya bilər. Apasport.az saytının məlumatına görə, kolumbiyalı yarımmüdafiəçinin adı hələ də “ağ-qaralar”ın iştirak ərizəsinə daxil edilməyib.

Bu səbəbdən baş məşqçi Tərlan Əhmədov ötən həftə “Kəpəz”lə keçirilmiş çempionat matçında (1:0) Kampazın hüququndan məhrum olmuşdu. Kosta-Rikanın UCR klubundan gələn futbolçunun sənədlə bağlı problemi var. Paytaxt təmsilçisi hazırda Kampazın sənədlərini qaydaya salıb, “Sumqayıt”la oyuna kimi onun adını PFL-ə sifariş verməyə çalışır. Bu məsələdə gecikmə olsa, Əhmədov növbəti görüşdə də Maykın xidmətindən faydala bilməyəcək.

Qeyd edək ki, “Neftçi” ilə 2018-ci ilin sonunadək müqavilə bağlayan Mayk Kampaz yeni komandasında 12 nömrəli formanı geyinəcək.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA