“Qalatasaray” qış “transfer pəncərəsi”nin son günündə heyətinə daha bir futbolçu qatıb. Apasport.az saytının Türkiyə mətbuatına istinadən məlumatına görə, “İnter”in müdafiəçisi Yuto Naqatomo “cim-bom”la anlaşıb.

Artıq İstanbula gələn 32 yaşlı cinah oyunçusu bu gün yeni komandası ilə rəsmi müqaviləyə qol çəkəcək. Razılığa əsasən, Naqatomo “Qalatasaray”da icarə əsasında çıxış edəcək. Bu keçid “sarı-qırmızılılar”a 1 milyon avroya başa gəlib. Müqavilədə yer alan bəndə əsasən, “Qalatasaray” onu birdəfəlik transfer etmək istəsə, “İnter”ə 7 milyon avro ödəyəcək.

Qeyd edək ki, Yaponiya yığmasının heyətində 101 oyun keçirən Yuto Naqatomo 2011-ci ildən bəri “İnter”in formasını geyinib.

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb