[b]“Qarabağ”: ardıcıl 3-cü dəfə[/b]

14.12.2015 - 10:11

2015/16 mövsümünün “qış çempionu” müəyyənləşib. Apasport.az saytının məlumatına görə, səfərdə “Qəbələ”ni 1:0 hesabı ilə məğlub edən “Neftçi” mövsümün ilk yarısının qalibinin rəsmiləşməsində mühüm rol oynayıb.

Əyalət klubunun xal itirməsi “Qarabağ”ı əlçatmaz edib. Sona iki tur qalmış ağdamlılardan 8 xal geri düşən “Qəbələ” fasiləyə zirvədə yollanmaq şansları ilə vidalaşıb. Ardınca “Zirə” ilə qolsuz heç-heçə edən Qurban Qurbanovun yetirmələri isə bu fərqi 9-a çatdırıb.

Bu, “Qarabağ”ın ardıcıl 3-cü, son 12 ildə 4-cü “qış çempionluğu”du. 2004/05-də ilk yarıdakı liderliyini əldən verən ağdamlılar son 3 ildə fasiləyədək olan üstünlüyünü qoruya bilib və sonda lider olub.

Ümumiyyətlə, başa çatan son 11 çempionatdan 6-da fasiləyə zirvədə yollanan komanda sonda çempion titulunu qazanıb. Digər 5 mövsümdə isə izləyiciləri lideri zirvədən salıb.

mövsüm	Qış çempionu	çempion
2004/05	“Qarabağ”	“Neftçi”
2005/06	“Karvan”	“Bakı”
2006/07	“Xəzər Lənkəran”	“Xəzər Lənkəran”
2007/08	“Olimpik”	“İnter”
2008/09	“İnter”	“Bakı”
2009/10	“İnter”	“İnter”
2010/11	“Neftçi”	“Neftçi”
2011/12	“Neftçi”	“Neftçi”
2012/13	“İnter”	“Neftçi”
2013/14	“Qarabağ”	“Qarabağ”
2014/15	“Qarabağ”	“Qarabağ”
2015/16	“Qarabağ”