“Qarabağ”ın Çempionlar Liqasının (ÇL) qrup mərhələsindəki rəqibi “Roma” transfer çalışmalarına başlayıb. Apasport.az saytının xarici mətbuata istinadən məlumatına görə, “canavarlar”ın gündəmindəki oyunçulardan ikisi artıq məlumdu.

Baş məşqçi Eysebio Di Françesko “Sassuolo”nun hücumçusu Domeniko Berardi və “Fiorentina”nın yarımmüdafiəçisi Milan Badelin alınmasını istəyib. Badel mövsümün sonunda “Roma”ya havayı keçə bilər. Çünki onun klubu ilə müqavilə müddəti gələn yay başa çatır. Berardini isə “Sassuolo” 40 milyon avroya sata biləcəyini bəyan edib.

Paytaxt təmsilçisi bu oyunçuları qış fasiləsində də heyətə cəlb edə bilər. Ancaq bu, Çempionlar Liqasında “Qarabağ”la keçiriləcək matçdan asılı olacaq. Belə ki, “Roma” növbəti mərhələyə vəsiqə qazansa, rəhbərlik heyəti zənginləşdirmək üçün Berardi və Badeli yanvarda transfer etməyə çalışacaq.

Qeyd edək ki, “Roma” dekabrın 5-də qrup mərhələsinin son turunda “Qarabağ”la qarşılaşacaq.

• Braziliyadan Avstraliyaya 4 qol – Ançelottinin komandasından geridönüş
• Avropa nəhəngləri “Porto”nun müdafiəçisi uğrunda mübarizəyə qoşuldu – 65 milyon avro
• Türkiyə futbolunda şok dalğası – MHK sədri Ferhat Gündoğdu saxlanıldı
• Günün canlı yayımlanacaq matçları - TV AFİŞA
• İspaniya klubunda bədbəxt hadisə - QAPIÇI xəstəxanaya yerləşdirildi