Hələ ötən mövsümün axırlarında zədələnən və bu səbəbdən “Sumqayıt”ın son anda yeni müqavilə bağlamaqdan imtina etdiyi Pərdis Fərcad-Azad karyerasını yenidən Azərbaycanda davam etdirməyə çox yaxındı. Apasport.az saytının məlumatına görə, hücumçu yenidən “Sumqayıt”da çıxış edə bilər.

Zədə ucbatından 6 aydan çoxdu yaşıl meydanlardan uzaq qalan Azərbaycan yığmasının milliləşdirilmiş üzvü artıq tam sağalıb və uzun müddətdi ki, fərdi məşqlər edir. Klubdan aldığımız məlumata görə, İran əsilli forvard qış fasiləsindən sonra “Sumqayıt”a qoşulacaq. Baş məşqçi Aqil Məmmədov digərləri kimi, onu da baxışdan keçirəcək. Əgər Pərdisin son durumu Məmmədovu qane etsə, futbolçu ilə 6 aylıq müqavilə imzalanacaq.

Qeyd edək ki, “Sumqayıt” Pərdis Fərcad-Azadı 2012-ci ilin yayında Almaniyanın IV Bundesliqasından gətirmişdi.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı