Heyətində ciddi islahatlar aparan “Xəzər Lənkəran” daha bir aparıcı futbolçusu ilə yollarını ayırıb. Apasport.az saytının məlumatına görə, müdafiəçi Tieqo de Xesusun artıq “ağ-yaşıllar”la heç bir bağlılığı qalmayıb.

28 yaşlı braziliyalı futbolçunun klubla müqaviləsi başa çatdığından, onunla sözləşmənin uzadılmamağına qərar verilib. Bu məlumat klub tərəfindən də təsdiqlənib.

Əslində, “ağ-yaşıllar” Tieqoya yeni 2 illik müqavilə təklif etməyi planlaşdırırdılar. Lakin klubun strategiyasını dəyişməsi rəhbərliyi fikrindən daşındırıb. Digər əcnəbi futbolçularla isə danışıqlar davam edir.

Qeyd edək ki, hələlik yalnız 3 əcnəbi futbolçu – Sadio Tounkara, Vyekoslav Tomiç və Alfred Sanko “Xəzər Lənkəran”da qalmağa razılıq verib.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı