[b]“Xəzər Lənkəran” FİFA-ya şikayət etdi[/b]

11.07.2014 - 12:00

“Xəzər Lənkəran” Sloveniyanın Toplise şəhərində təlim-məşq toplanışını davam etdirsə də, komandanın afrikalı futbolçuları Sadio Tounkara və Mbilla Etame hələ də düşərgəyə qoşulmayıblar. Apasport.az xəbər verir ki, kamerunlu hücumçu Etamenin meneceri “ağ-yaşıllar”la əlaqə saxlayıb, müştərisinin yaxın günlərdə hazırlığa gələcəyini deyib.

O, cənub klubundan 2 gün vaxt istəyib. Klub rəhbərliyi bununla razılaşıb və əgər forvard bu müddət ərzində heyətə gəlməsə, onunla bağlı FİFA-ya şikayət olunacaq.

Sadio Tounkaradan isə heç bir xəbər yoxdur. Klub onunla əlaqə saxlamaq istəsə də, telefonuna zəng çatmır. Artıq “Xəzər Lənkəran” malili yarımmüdafiəçidən FİFA-ya şikayət edib.