Premyer Liqanın X turu intizamsızlıq antirekordu ilə əlamətdar olub. Apasport.az saytının məlumatına görə, “Zirə” bir oyunda aldığı vərəqə sayında 2017/18 mövsümünün antirekordunu müəyyənləşdirib.

“Qəbələ” ilə ev oyununda 2:1 hesabı ilə qalib gələn paytaxt təmsilçisinin 7 üzvü sarı vərəqə alıb. Cari mövsümdə belə intizamsızlıq müşahidə olunmamışdı.

Bunadək antirekord VI turda 5 xəbərdarlıq alan “Kəpəz”ə məxsus idi. X turda “Sumqayıt”da qərblilərə çatıb. Lakin onlar “Zirə”dən “geri” qalır.

“Zirə”nin “Qəbələ” ilə matçı ümumi vərəqə sayında da antirekordla diqqət çəkib. Qarşılaşmada 11 vərəqə göstərilib ki, bu da mövsümün ən yüksək göstəricisidi. Bu vərəqələrdən biri qırmızı, onu sarıdı. Bunadək antirekord 1 qırmızı ilə 8 sarı vərəqənin göstərildiyi “Zirə” – “İnter” və “Neftçi” – “Zirə” görüşlərində qeydə alınmışdı.

Qeyd edək ki, “Zirə” antirekordunu Milan Duriç, Kamal Bayramov, Riçard Qadze, Sadio Tounkara, Jozef Bum, Adil Nağıyev və Təmkin Xəlilzadənin sarı vərəqələri ilə rəsmiləşdirib. “Qəbələ”də isə Urfan Abbasov, Voislav Stankoviç və Ekiqo Ehiosun sarı, Cavid Hüseynov qırmızı vərəqə alıb.

• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi
• Ronaldo özünü “xəyanətə uğramış” hiss edir – Jezuş yalan danışıb