Topaz Premyer Liqasında son oyununu dekabrın 18-də “İnter”ə qarşı keçirən və həmin matçın ertəsi günü istirahətə buraxılan “Neftçi”nin qış hazırlıq proqramı bəllidi. Apasport.az saytının məlumatına görə, yanvarın 6-da Bakıda toplaşacaq komanda 5 gün öz bazasında olacaq.

Bu müddətdə “ağ-qaralar” həkim müayinəsindən keçəcək və onların fiziki hazırlığı yoxlanılacaq. Yanvarın 11-də Antalyaya yollanacaq “Neftçi” ayın 23-nə qədər orda təlim-məşq toplanışı keçəcək. Baş məşqçi Arif Əsədov bu müddətdə 6 yoxlama görüşünün keçirilməsini planlaşdırır. Rəqiblər dəqiq bilinməsə də, oyunların keçiriləcəyi tarix bəllidi.

Belə ki, “Neftçi” yanvarın 14, 17, 20, 21 və 23-də qüvvəsini sınayacaq. Komanda ayın 23-də iki yoxlama görüşü keçirəcək. Yanvarın 24-də vətənə qayıdacaq paytaxt təmsilçisi çempionatın XIX turunun hazırlığına başlayacaq.

Qeyd edək ki, “Neftçi” Topaz Premyer Liqasının XIX turu çərçivəsində yanvarın 31-də AZAL-la qarşılaşacaq.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı