“İnter”lə yollarını ayıran konqolu müdafiəçi Brüs Abdulaye yenidən Azərbaycanda oynaya bilər. Apasport.az saytının əldə etdiyi məlumata görə, onun xidmətində Premyer Liqanın son mövsümünün gümüş mükafatçısı “Qəbələ” maraqlıdır.

Omar Kalabanenin gedişi və Vladimir Levinin yaşının çox olmasını nəzər alsaq, “radarlar”a mərkəz müdafiəçisi lazımdır. Elə buna görə də Azərbaycan çempionatında oynadığı hər iki mövsümdə uğurlu çıxış edən və ölkəmizi yaxşı tanıyan Abdulaye “Qəbələ”nin diqqət mərkəzindədir.

Futbolçu özü də saytımıza verdiyi açıqlamada ona Azərbaycandan daha bir təklif olduğunu və düşünərək qərar verəcəyini bildirmişdi. Lakin “İnter”in onunla yenidən danışıqlar aparmaq istəməsi, bu keçidin qarşısını alırdı. “Bankirlər”in təklif etdiyi şərtləri qəbul etməyən müdafiəçi özü də əyalət klubunda oynamaqda maraqlıdır.

2012-ci ildən Azərbaycanda top qovan futbolçu ölkəmizə gələn ən yaxşı mərkəz müdafiəçilərindən biri sayılır. “İnter”lə Azərbaycan çempionatında 2 mövsüm keçirən Abdulaye 59 dəfə “bankirlər”in formasını geyinib və 2 dəfə rəqib qapılarına yol tapıb.

• İkardi "Fənərbaxça" ilə matçı buraxacaq
• "Fənərbaxça"dan qələbə, "Beşiktaş" xal itirdi
• “Qalatasaray”ın futbolçusu İspaniya yolunda
• “Real”dan Karvaxal qərarı
• Hakiminin taleyinə aydınlıq gəlib