Millimizin üzvü Dmitri Nazarovun çıxış etdiyi “Karlsrue” klubu II Bundesliqada növbəti oyununu “Braunşveyq”ə qarşı keçirəcək. Apasport.az saytı Almaniya mətbuatına istinadən xəbər verir ki, Karlsrue şəhərinin eyniadlı təmsilçisi matçın hazırlığını davam etdirir.

Baş məşqçi Markus Kauçzinski XXII tur çərçivəsində baş tutacaq bu görüşdə heyətlə bağlı bəzi dəyişikliklər etməyi qərara alıb. O, qış fasiləsindən sonrakı ilk 2 turda özünü yaxşı tərəfdən göstərməyən futbolçulara bu dəfə güvənməyəcək.

Kauçzinski keçən tur “Duysburq”la matçda start heyətində yer alan Hiroki Yamada ehtiyatda saxlayıb, onun mövqeyində Dmitri Nazarova ilk “11-lik”də şans vermək niyyətindədi. Qış fasiləsindən sonra “Frankfurt” və “Duysburq”la matçlarda meydana ikinci hissədə daxil olan Nazarovun hazırkı durumu baş məşqçini qane edir.

Qeyd edək ki, “Karslrue” – “Braunşveyq” görüşü fevralın 20-də keçiriləcək.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”