“Qarabağ”ın futbolçusu Samuel Armenteros mövsümün ən sürətli dubluna imza atıb. Apasport.az saytının məlumatına görə, 25 yaşlı hücumçu Topaz Premyer Liqasının VIII turunda 2 qolu 12 dəqiqəyə vurub.

İsveçli legioner “Zirə” ilə qarşılaşmanın 5-ci və 16-cı dəqiqəsində fərqlənib. Samuelin 12 dəqiqəyə 2 dəfə fərqlənməsi, ilk 8 turun 8 dublu arasında ən sürətlisidi.

Bunadək ən qısa müddətdə 2 qol vuran oyunçu Dieqo Martins idi. “İnter”in braziliyalısı “Qəbələ” ilə 4-cü turun qarşılaşmasında 20 dəqiqəyə iki dəfə rəqib qapısına yol tapmışdı.

VIII turda dubllarla bağlı daha 3 rekord qeydə alınıb.

Mövsümdə ilk dəfə eyni turda 3 oyunçu 2 qol vurub. Həmçinin “Qarabağ”ın “Zirə” ilə qarşılaşması 2 dublun qeydə alındığı ilk görüş olub. Samuellə yanaşı, 2 qol vuran Riçard Almeyda mövsümdə 2 dəfə belə uğur qazanan futbolçu olub.

• “Fənərbaxça” transfer qadağasının səbəbini açıqladı
• “Fənərbaxça”ya FIFA-dan 3 transfer dövrü qadağası
• Günün canlı yayımlanacaq matçları - TV AFİŞA
• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb