“Barselona”nın hücumçusu Neymar İspaniya La Liqasında noyabrın ən yaxşı futbolçusu seçilib. Apasport.az saytının yerli mətbuata istinadən məlumatına görə, sorğu İspaniya Futbol Federasiyası tərəfindən aparılıb.

Noyabr ayında La Liqada keçirdiyi 3 oyunda 5 qola imza atan braziliyalının, xüsusən də, “Real”a qarşı “El Klasiko”dakı parlaq çıxışı bu nominasiyada qalib seçilməsinə şərait yaradıb. Ümumilikdə isə cari mövsümdə ölkə çempionatında “sambaçı”nın aktivində 16 qol, 6 məhsuldar ötürmə var.

Noyabrın ən yaxşı baş məşqçisi adına isə “Atletiko”nun çalışdırıcısı Dieqo Simeone layiq görülüb. Madrid təmsilçisi ötən ay onun rəhbərliyi altında keçirdiyi 3 görüşün hamısında (“Espanyol”, “Betis”, “Sportinq Xixon”) 1:0 hesablı qələbə qazanıb.

İspaniya La Liqasında geridə qalan 14 turdan sonra “Atletiko” 2-ci pillədə qərarlaşır və lider “Barselona”dan cəmi 2 xal geri qalır.

• Müller daha 1 il MLS klubunda
• Türkiyə futbolunda qalmaqal böyüyür – TFF-dən MHK açıqlaması
• "Sabah" "Qarabağ"ı "Dalğa Arena"da qəbul edəcək
• Braziliyadan Avstraliyaya 4 qol – Ançelottinin komandasından geridönüş
• Avropa nəhəngləri “Porto”nun müdafiəçisi uğrunda mübarizəyə qoşuldu – 65 milyon avro