AFFA İntizam Komitəsinin (İK) bu gün keçirilən iclasında sərt qərarlar qəbul olunub. Apasport.az saytının məlumatına görə, xüsusən də, təhqiramiz ifadələrə yol verən futbolçular ağır şəkildə cəzalandırılıblar.
I divizionun XXVI turunda baş tutan “Xəzər” – “Zaqatala” matçının 82-ci dəqiqəsində ev sahiblərindən Tural Qürbətov, qonaqlardan isə Roini İsmayılov bir-birilərini söyüşə “qonaq” etdikləri üçün 3 oyunluq diskvalifikasiyaya məruz qalıblar.
Regional Liqada isə vəziyyət acınacaqlı olaraq qalmaqdadı. “Səhliyalı” ilə “Şahdağ” arasında baş tutmuş qarşılaşmanın sonlarında birincilərin üzvü Ramil Babayev referini döydüyü üçün 10 oyunluq cəzalandırılıbsa, onun komanda yoldaşı Elşən Qasımov hakimi söymək ucbatından növbəti 4 turu buraxmalı olacaq.
U-16 Liqasının “Vətən” RİOEUGİM – “Qəbələ” İK görüşünün 61-ci dəqiqəsində komanda yoldaşını təhqir edən qonaqların futbolçusu Hüseyn Mürsəlov 3 oyunluq cəza alıb.
U-15 Liqasında isə İOEUGİM-lə matçda hakimi təhqir edən “Sumqayıt”ın oyunçusu Sərvin İsmayılov 4 matçlıq cəzalandırılıb.
Oxşar xəbərlər
Ana səhifə
Bütün xəbərlər