[b]Hər yerdə Sadıqov![/b]

16.10.2015 - 13:05

Azərbaycan millisi tarixinin 11-ci seçmə mərhələsini – AVRO-2016-nın tsiklini başa vurub. Apasport.az saytının məlumatına görə, indiyədək 108 seçmə oyunu keçirən komandamızın heyətində ən çox matç keçirən futbolçu Rəşad Sadıqovdu.

33 yaşlı müdafiəçi seçmə mərhələlərdə 53 qarşılaşmaya çıxıb. Onun ən yazın izləyicisi futbolçu karyerasını başa vuran Emin Ağayevdi. Onun hesabında 37 belə qarşılaşma var. Ağayevdən 1 oyun az keçirən Aslan Kərimov siyahıda 3-cüdü.

Seçmə mərhələlərdə ən çox oyun keçirən 10 futbolçudan 4-ü karyerasını davam etdirir. Rəşaddan başqa Kamran Ağayev, Vaqif Cavadov və Vüqar Nadirov oyun sayını artırmaq imkanına malikdi.

1.	Rəşad Sadıqov	53
2.	Emin Ağayev	37
3.	Aslan Kərimov	36
4-7.	Mahir Şükürov	35
	Mahmud Qurbanov	35
	Tərlan Əhmədov	35
	Kamran Ağayev	35
8.	Qurban Qurbanov	34
9.	Vaqif Cavadov	31
10.	Vüqar Nadirov	29

Avropa çempionatlarının seçmə mərhələlərində 6-cı tsiklini arxada qoyan yığmamızın keçirdiyi 60 qarşılaşmada ən çox meydana çıxan Sadıqovdu. AVRO-2008-in oyunları zamanı baş məşqçi Şahin Diniyevin yığmaya çağırmadığı müdafiəçi buna baxmayaraq, hamını qabaqlayır. Onun hesabında 29 matç var. AVRO-2016-nın startınadək 1-ci olan Aslan Kərimov isə siyahıda ikincidi. İlk “üçlüy”ü isə Ağayev qapayır.

1.	Rəşad Sadıqov	29
2.	Aslan Kərimov	23
3.	Emin Ağayev	22
4.	Tərlan Əhmədov	21
5-6.	Mahmud Qurbanov	19
	Kamran Ağayev	19
7-9.	Vaqif Cavadov	17
	Rahid Əmirquliyev	17
	Aleksandr Çertoqanov	17
10-12.	Qurban Qurbanov	16
	Vüqar Nadirov	16
	Emin İmaməliyev	16