Əfsanəvi futbolçu Dieqo Maradona yenidən məşqçi işləyə bilər. Apasport.az saytı xəbər verir ki, 55 yaşlı argentinalının Boliviya yığmasını çalışdırmaq variantı gündəmə gəlib.
Məlumatı Boliviya Futbol Federasiyasının prezidenti Kliver Roça da təsdiqləyib. O bildirib ki, agentlər tərəfindən təklif olunan məşqçilərin sırasında Maradona da var və qarşı tərəflə danışıqlara tezliklə start veriləcək.
Maradona bu təklifi qəbul etsə, Xulio Sezar Baldivyesonun gedişindən sonra boş qalmış postu tutacaq. Baldivyeso Amerika Kubokundakı uğursuz çıxışdan sonra istefaya göndərilmişdi. Onun rəhbərliyi altında Boliviya yığması həmin turnirdə keçirdiyi hər 3 görüşdə məğlub olmuşdu.
Qeyd edək ki, məşqçiliyə 1994-cü ildə başlayan Maradona bu vaxta qədər ölkəsinin “Mandiyu” və “Rasinq”, Birləşmiş Ərəb Əmirliklərinin “Əl-Vasl” klubunu, həmçinin Argentina yığmasını çalışdırıb.
Oxşar xəbərlər
Ana səhifə
Bütün xəbərlər
Hesabım