“Qarabağ”ın aşağı yaş qrupları üzrə komandalarında çalışan məşqçilərin Hollandiyaya səfəri bu ay baş tutmayacaq. Apasport.az saytının məlumatına görə, səfərin tarixi öncə dekabrın 11-nə təyin edilsə də, sonradan plan dəyişdirilib. Buna viza məsələsində problemlərin ortaya çıxması səbəb olub. Hollandiyaya gedəcək 20 məşqçinin vizası ən tezi bu ayın 22-də açılacaq. Buna görə də, klub rəhbərliyi “zanbaqlar ölkəsi”nə səfəri yanvar ayına saxlayıb. “Qarabağ”ın məşqçiləri növbəti ayın 14-15-də Hollandiyaya yola düşəcəklər.

Təxminən 1 həftə orda qalacaq məşqçi heyəti 4 klubun – “Utrext”, “Feyenord”, “PSV Eyndhoven” və “Ayaks”ın akademiyasına baş çəkəcək. Burada məşq prosesi ilə tanış olacaq azərbaycanlı məşqçilər, həmçinin əsas komandaların oyunlarını stadiondan izləmək imkanı qazanacaqlar. 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı