Əsas və U-21 yığmalarımızdan fərqli olaraq, U-17 və U-19 millilərində baş məşqçi dəyişikliyi olmayacaq. Bu barədə apasport.az saytına AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu məlumat verib.

O, bildirib ki, AFFA rəhbərliyi U-17-nin baş məşqçisi Mirbağır İsayev və U-19-un çalışdırıcısı Nikolay Adamın postunda qalmasını qərara alıb: “Hər iki komanda elit mərhələyə vəsiqə qazandığından, baş məşqçilərlə müqavilə də uzadıldı. Müqavilənin müddəti isə elit mərhələnin sonuna qədər nəzərdə tutulub”.

Qeyd edək ki, U-17-lər arasında elit mərhələnin oyunları 2015-ci il 12-26 mart, U-19-ların yarışı isə 26 mart – 3 iyun tarixlərində keçiriləcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı