19 yaşadək futbolçulardan ibarət yığmamızın üzvü Fərid Nəbiyev Çexiyada ilk qoluna imza atıb. Apasport.az saytı xəbər verir ki, “Qəbələ”nin yetirməsi olan gənc yarımmüdafiəçi “Slaviya”nın U-19 komandasında fərqlənib.

Fərid XI turda “Karvina” ilə səfər qarşılaşmasında meydana çıxıb. Ev sahiblərinin 2:1 hesabı ilə qalib gəldikləri oyunda “Slaviya”nın yeganə qoluna məhz həmyerlimiz imza atıb. Nəbiyev matçın 12-ci dəqiqəsində hesabı bərabərləşdirsə də, fasiləyə kimi “Karvina” yenidən önə keçib və yekunda 3 xal qazanan tərəf olub.

Qeyd edək ki, Fərid dünən “Slaviya”nın U-21 komandasının heyətində də meydana çıxmışdı. O, “Yablonets”lə qarşılaşmanın (2:4) ikinci hissəsində meydana daxil olaraq, komandasının hər iki qolunda yaxından iştirak etmişdi. 

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi