DÇ-2018-in seçmə mərhələsində iştirak edən komandaların Rusiyada keçiriləcək mundiala çıxmaq şansları açıqlanıb. Apasport.az saytının məlumatına görə, xarici ekspertlərin tərtib etdiyi siyahıda final mərhələsinə yüksəlməyə nəzəri şansları olan bütün komandalar yer alıb.
Meydan sahibi Rusiya və ilk vəsiqənin sahibi Braziliyadan sonra DÇ-yə yollanacaq 22 komanda adına 89 namizəd var. Azərbaycan millisi də bu yığmalar sırasındadı.
Avropa zonasının C qrupunda çıxış edən komandamızın şansları çox aşağı göstərilib. 5 oyundan sonra 7 xalla qrup 4-cüsü olan Robert Prosineçkinin yetirmələrinin Rusiyaya yollanmaq ehtimalı 0,37 faizdi.
Bu nəticə 89 namizəd arasında yalnız 75-cidi. Yığmamız Konqo, Liviya, Qətər, Litva, Norveç, Solomon adaları, Estoniya, Taiti, Papua-Yeni Qvineya, Qazaxıstan, Kipr, Belarus, Finlandiya və Albaniyadan öndədi. Sonuncu 5 komandanın şansları cəmi 0,01, yəni 10000-də 1-ə bərabərdi. Ən şanslı olan Meksika isə 99,89 faiz mundialdadı.
Oxşar xəbərlər
Ana səhifə
Bütün xəbərlər