[b]Mundialın mükafatçıları ilk “üçlük”də[/b]

23.01.2015 - 10:20

Dünyanın ən yaxşı yığma məşqçilərinin siyahısı müəyyənləşib. Apasport.az saytının məlumatına görə, Beynəlxalq Futbol Tarixi və Statistikaları Federasiyası (İFFHS) dünya ölkələrindəki nümayəndələri arasında keçirdiyi səsvermənin nəticələrini açıqlayıb.

Sorğunun nəticələrinə əsasən, 2014-cü ildə keçirilən dünya çempionatının mükafatçılarını çalışdıran mütəxəssislər siyahıda eyni ardıcıllıqla qərarlaşıb. Almaniya yığmasına rəhbərlik edən Yoahim Löv böyük fərqlə 1-ci olub. Bununla da ardıcıl 2, ümumilikdə 4 dəfə ən yaxşı seçilən İspaniya millisinin baş məşqçisi Visente del Boskenin hegemonluğuna son qoyulub. Bu dəfə ispaniyalı səs qazanan 10 məşqçi arasına da düşə bilməyib.

Argentinalı Alexandro Sabelya 2-ci, hollandiyalı Lui van Qal 3-cü olub. Ümumiyyətlə isə siyahıda Avropanın 4, Cənubi Amerikanın 3, Şimali Amerikanın 2, Afrikanın 1 komandasının baş məşqçisi yer alıb.

Qeyd edək ki, sorğuda Azərbaycanı təmsil edən apasport.az saytının əməkdaşı, İFFHS-in üzvü olan Vüqar Xeyrullayev də iştirak edib. O, ilk pilləni Lövə verib.

yer	baş məşqçi	komandası	xal
1	Yoahim Löv	Almaniya	220
2	Alexandro Sabelya	Argentina	71
3	Lui van Qal	Hollandiya	38
4	Xose Pekerman	Kolumbiya	31
5	Xorxe Luis Pinto	Kosta-Rika	19
6	Xorxe Sampaoli	Çili	18
7	Migel Errera	Meksika	15
8	Mark Vilmots	Belçika	9
9	Didye Deşam	Fransa	8
10	Stiven Keşi	Nigeriya	1