Premyer Liqasında çıxış edən klublar qış fasiləsində heyətinə qatdığı 43 futbolçunun xidmətindən yararlanıb. Apasport.az saytının məlumatına görə, 2018-ci ilin arxada qalan 7 turunda meydana çıxan 43 debütantdan bəziləri yerli klublardan, bəziləri ölkə xaricindən transfer olunub.

Autsayderlərdən “Kəpəz” daha çox – 10, “Keşlə” 9 belə oyunçuya ehtiyac duyub. “Səbail”lə “Zirə” 7, “Neftçi” 5, “Sumqayıt” 3, “Qəbələ” 3 yeni tapıntıya şans verib. “Qarabağ” isə qışdan sonra heç bir yeni sima ilə güclənməyib.

Yenilərə baxsaq, onlardan 11-i bütün oyunlarda komandasına kömək edib. Bu qış “11-liy”ində “Səbail”in 5, “Kəpəz”in 4, “Neftçi” və “Keşlə”nin hərəyə 1 üzvü var. Qışda cəlb olunanlardan 5-i əvəzolunmaz sayılır.  Onlardan ikisi - Fəhmin Muradbəyli və Rahil Məmmədov “Səbail”, Sergey Litovçenko, İqor Korotetski və Quili Mandqaladze “Kəpəz”də forma geyinib.

Qış transferlərindən ikisi qapıçıdı. Autsayderlər – “Kəpəz” və “Keşlə”nin qolkiperləri üst-üstə 13 qol buraxıb. Yeni gələnlər qışdan sonra cəmi 12 qol vurub. Fəhmin Muradbəyli və Aleksandr Dedov daha çox – hərəyə 2 dəfə fərqlənib. Mövsümün ilk yarısından sonra yeni komandaya gələnlər 26 sarı, 2 qırmızı vərəqə alıblar. Onlardan biri - Quili Mandqaladze artıq 4 xəbərdarlıq almaqla, cəzalı duruma düşüb.

Düzdü, elə oyunçular da var ki, qış fasiləsində öz klubun əsas komandasına əvəzedicilərdən dəvət alıb. Lakin Əlibəy Məmmədli (“Keşlə”), Hacıağa Hacılı (“Qəbələ”) və Aqşin Qurbanlı (“Səbail”) kimi futbolçuları klubları üçün qış tapıntısı saymaq olmaz.

• “Everton” malili futbolçu ilə yollarını ayıracaq
• “Qalatasaray”ın sabiq üzvü I Liqa klubunu tərk edib
• Dünya çempionu “Yunayted” və “Atletiko”nun radarında
• İspaniyalı futbolçu karyerasını başa vuracaq
• Yamal “Barselona”nın yeni “10 nömrəsi” olacaq