“Superkubok matçını Türkiyədə keçirməyi nəzərdə tutmuşduq. Amma görünən odu ki, bu istəyimiz baş tutmayacaq”. Bu sözləri apasport.az saytına açıqlamasında Peşəkar Futbol Liqasının prezidenti Ramin Musayev deyib.

Premyer Liqanın qalibi “Qarabağ” və ölkə kubokunun sahibi “Neftçi” arasında keçiriləcək Superkubok matçının yanvarda Türkiyədə baş tutacağı gözlənilirdi. Lakin PFL-in planı dəyişib. Musayevin sözlərinə görə, Türkiyə variantı alınmayıb. Bu səbəbdən oyun Bakıda keçiriləcək: “Təbii ki, Superkubok matçını keçirmək fikrimiz var. Sadəcə, Türkiyə variantı alınmayacaq. İstəyimiz baş tutmadı. Buna görə də, “Qarabağ” və “Neftçi” komandalarının görüşü elə Bakıda keçiriləcək”.

Superkubok matçının hansı tarixdə keçiriləcəyi isə hələlik dəqiqləşməyib.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı