[b]Rəşad Sadıqovun komandasının son ev sınağı[/b]

21.11.2017 - 12:41

Gənclər Liqasında qrup mərhələsinin V turuna bu gün start veriləcək. Apasport.az saytının məlumatına görə, Azərbaycan təmsilçisi “Qarabağ” turun ikinci günü meydana çıxacaq.

Rəşad Sadıqovun baş məşqçisi olduğu U-19 öz meydanında “Çelsi” ilə görüşəcək. Növbəti mərhələ şanslarını qorumaq üçün ağdamlılar mütləq qalib gəlməlidi.

Azərbaycanın U-19 Liqasnın çempionu olan “Qarabağ” qrup liderinı uduzsa, mübarizəni davam etdirmək şansı qalmayacaq. Görüş heç-heçə bitsə, komandamız “Atletiko” - “Roma” qarşılaşmasında da bərabərliyə ümid etməli olacaq. Həmin matçda tərəflərdən biri 3 xal əldə etsə, “Qarabağ” ilk iki yerə şansını itirəcək.

Qeyd edək ki, “Qarabağ” son ev oyununu “Azərsun Arena”da keçirəcək. Matç saat 15:00-da başlayacaq.

UEFA Gənclər Liqası

C qrupu, V tur

22 noyabr

15:00. “Qarabağ” - “Çelsi”

Baş hakim: Alper Ulusoy

Baş hakimin köməkçiləri: Mehmet Emin Tuğral, Deniz Caner Özaral (hamısı Türkiyə)

Dördüncü hakim: Orxan Məmmədov (Azərbaycan)

Bakı. “Azərsun Arena”