Oktyabrın 22-də UEFA Avropa Liqasının qrup mərhələsinin III turu çərçivəsində keçiriləcək “Qəbələ” - "Borussiya" (Dortmund) matçı öncə mətbuat konfranslarının vaxtı açıqlanıb. Apasport.az saytının məlumatına görə, “Bakcell Arena”da baş tutacaq tədbir sabah 18:45-də arenanın Media zalında start götürəcək.

Jurnalistlərin önünə öncə “Qəbələ”nin baş məşqçisi Roman Qriqorçuk çıxacaq. 21:00-da isə "Borussiya"nın çalışdırıcısı Tomas Tuhel media nümayəndələrinin suallarını cavablandıracaq. Hər iki komandanın oyunöncəsi son məşqi də “Bakcell Arena”da keçiriləcək.

“Qəbələ” saat 19:30-da, Almaniya təmsilçisi isə 21:30-da baş tutacaq məşqlə qarşılaşmanın hazırlıqlarını tamamlayacaq.

• “Fənərbaxça” transfer qadağasının səbəbini açıqladı
• “Fənərbaxça”ya FIFA-dan 3 transfer dövrü qadağası
• Günün canlı yayımlanacaq matçları - TV AFİŞA
• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb