“Real”ın hücumçusu Kriştianu Ronaldo daha iki rekorda imza atıb. Apasport.az saytının məlumatına görə, portuqaliyalı futbolçu buna Çempionlar Liqasının (ÇL) 1/8 final mərhələsinin “Roma” ilə (2:0) səfər görüşündə nail olub.

31 yaşlı forvard “pley-off” mərhələlərində ən çox oyun keçirən “Barselona”nın sabiq kapitanı Xavi Ernandesə çatıb. “Roma” ilə görüşdə meydana start heyətində daxil olan Ronaldo qrupdan sonrakı mərhələlərdə 56-cı oyununa çıxmış olub. O, cavab matçında də iştirak etsə, bu rekordu yeniləyəcək.

Ulduz futbolçu eyni zamanda ÇL-in pley-off mərhələlərində vurduğu qolların sayını 40-a çatdırıb. İtaliyadakı qarşılaşmada hesabı açan portuqaliyalı buna nail olan ilk oyunçu kimi tarixə düşüb.

Qeyd edək ki, Kriştianu Ronaldo Çempionlar Liqasında 89-cu qoluna imza atıb və özünəməxsus rekordu növbəti dəfə yeniləyib. O, cari mövsümdə isə ÇL-də qollarının sayını 12-yə çatdırıb.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”