Topaz Premyer Liqasının ilk yarısında vurulan qolların ölkələr üzrə bölgüsü müəyyənləşib. Apasport.az saytının hesablamalarına görə, baş tutan 70 qarşılaşmada vurulan 187 qolun 10-u avtoqoldusa, digər qollara 23 ölkə təmsilçisi imza atıb.

Yerli futbolçular 64 dəfə fərqlənib ki, bu da ümumi qol sayının 36 faizidi. Milliləşən legionerlərin 11 qolunu da əlavə etsək, bu rəqəm 75-ə, faiz göstəricisi isə 42-yə çatır.

Daha məhsuldar olan legionerlər isə qolların yarıdan çoxunu vurub. Milliləşənləri əcnəbi kimi qəbul etsək, 22 ölkədən gələnlər adını fərqlənənlər sırasına sala bilib.

Braziliyalılar daha çox – 26 qol vurub. Rusiyalılar 15, Serbiya təmsilçiləri isə 11 dəfə rəqib qapısına yol tapıb. Digər ölkələrdən olan legionerlərin qol sayında isə ispaniyalılar öndədi: İspaniya - 8, Bolqarıstan - 7, Syerra-Leone, Makedoniya, Hollandiya - 5, Nigeriya, İsveçrə - 4, Konqo, Çili, Gürcüstan, Almaniya - 3, İsrail, Kamerun, Mali - 2, Latviya, Polşa, Sloveniya, Slovakiya, Seneqal – 1.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı