Topaz Premyer Liqasında I dövrənin ən intizamlı və intizamsız komandaları bəlli olub. Apasport.az saytının məlumatına görə, ilk 9 turun 45 qarşılaşmasında hakimlər 202 sarı, 21 qırmızı vərəqə göstərib.

Bundan başqa, daha 26 sarı vərəqə sonradan qırmızıya çevrilib. I dövrədə yalnız “Qarabağ”la AZAL qırmızı vərəqə görməyib. Ağdamlılar cəmi 15 xəbərdarlıq almaqla, mövsümün arxada qalan hissəsinin ən intizamlı komandasıdı.

“İnter”, “Neftçi” və “Sumqayıt” isə hamıdan çox – hərəyə 4 dəfə qırmızı vərəqə alıb. Futbolçularının aldığı sarı vərəqələr daha çox olan “Sumqayıt” dövrənin ən intizamsızıdı.