[b]UEFA yoldaşlıq oyunlarının vaxtını açıqladı[/b]

26.04.2018 - 10:31

UEFA-nın yeni layihəsi Millətlər Liqasının keçirildiyi dövrdə Avropanın bəzi komandaları yoxlama oyunlarında qüvvəsini sınayacaq. Apasport.az saytının məlumatına görə, üç komandanın yer aldığı qruplarda mübarizə aparan yığmalar buraxmalı olduqları turu boşa verməmək üçün sınaq görüşlərinə çıxacaq.

Qitə futbol qurumu rəsmi saytında millilərin turnir zamanı keçirəcəyi yoxlama oyunların siyahısını dərc edib. Millətlər Liqasının oyunlarının baş tutacağı sentyabr-noyabr aylarında avropalıların iştirakı ilə 30 yoxlama görüşünün keçiriləcəyi dəqiqləşib.

Millilərin payız sınaqlarında digər qitə təmsilçiləri də rəqib kimi meydana çıxacaq. ABŞ, Peru, Uruqvay, İordaniya, Qətər “Köhnə qitə” üçün sınaqçı rəqib olacaq.

Azərbaycan millisi turnirin D liqasında – 4 komandalı qrupda yer aldığından turlar zamanı yoxlama matçı keçirmək imkanına malik deyil. Əvəzində ölkəmizdə çıxış edən bəzi legionerlər üçün yoxlama oyunlarında rəqiblər bilinir. “Qarabağ”lı İbrahim Şehiçin şərəfini qoruduğu Bosniya və Herseqovina Türkiyə ilə İspaniya önündə “imtahan verəcək”. Onun klubdakı komanda yoldaşı Ansi Aqollinin uzun illər şərəfini qoruduğu, lakin son matçlarına dəvət almadığı Albaniya isə İordaniya və Uelslə görüşəcək.

I tur

5 sentyabr

Slovakiya – Danimarka

6 sentyabr

Avstriya - İsveç

Hollandiya – Peru

Portuqaliya – Xorvatiya

7 sentyabr

Şotlandiya – Belçika

II tur

9 sentyabr

Almaniya – Peru