“Bavariya”nın yarımmüdafiəçisi Arturo Vidal yenidən meydandan kənardakı davranışı ilə gündəmə gəlib. Apasport.az saytının xarici mətbuata istinadən məlumatına görə, çilili futbolçu bu dəfə dava-dalaş iştirakçısı olub.

Hadisə Münhenin gecə klublarının birində baş verib. Belə ki, Vidalın qardaşı və dostları ilə birlikdə əyləndiyi gecə klubunda ixtişaş yaşanıb. Bir nəfər polisə şikayətində butulka ilə başına zərbə vurulduğunu söyləyib. Lakin o, bunu Vidalın və onunla birgə gələnlərin etmədiyini bildirib. Həmin şəxs futbolçu və əhatəsinin yalnız bundan sonra davaya qarışdığını vurğulayıb.

Hadisəni təsdiqləyən Münhen polisi istintaq başladıb. “Bavariya” tərəfi isə məsələyə heç bir rəsmi münasibət bildirməyib.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi