Qış fasiləsinə II pillədə yollanan “İnter”i daha bir futbolçu tərk edə bilər. Apasport.az saytının məlumatına görə, Səlahət Ağayev, İvan Benites, Xuan Fransisko, Emilian Vila, Stepan Polyak, Abdulla Abatsiyev və Dieqo Martinsin ardınca Yuri Fomenkonun da “bankirlər”dən ayrılmaq ehtimalı var.

Belə ki, ukraynalı hücumçu Topaz Premyer Liqasının digər təmsilçisi “Rəvan”ın diqqət mərkəzinə düşüb. “Sarı-qırmızılılar” 29 yaşlı futbolçunu icarəyə götürmək niyyətindədilər.

Bu məlumatı saytımıza açıqlamasında “Rəvan”ın baş məşqçisi Bəhmən Həsənov da təsdiqləyib: “Bəli, Fomenko ilə yaxından maraqlanırıq. Danışıqlar baş tutsa, onu icarəyə götürəcəyik”.

Qeyd edək ki, Fomenko Azərbaycanda “İnter”dən əvvəl AZAL və “Kəpəz” klublarının formasını geyinib.  

• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi
• Ronaldo özünü “xəyanətə uğramış” hiss edir – Jezuş yalan danışıb