ABŞ-da keçiriləcək Amerika kubokuna son vəsiqələrin sahibləri bəlli olub. Apasport.az saytının məlumatına görə, tarixində ilk dəfə Cənubi Amerikadan kənarda keçiriləcək qitə birinciliyində Haiti və panama da mübarizə aparacaq.

Onlar iyunun 3-26-da baş tutacaq yarışdakı 6 KONKAKAF təmsilçisi sırasında yer alıb. Meydan sahibləri, həmçinin Meksika, Kosta-Rika və Yamayka da Amerika kuboku adıyla tanınan Cənubi Amerika çempionatında qüvvəsini sınayacaq.

Turnirdə Cənubi Amerikanın bütün komandaları iştirak edəcək. Braziliya, Argentina, Uruqvay, Kolumbiya, Peru, Paraqvay, Ekvador, Venesuela, Çili və Boliviya da ABŞ-da çıxış edəcək.

Qeyd edək ki, 1916-cı ildə yaradılan Cənubi Amerika Futbol Konfederasiyası ilk rəsmi qitə çempionatını elə həmin il keçirib. Bu üzdən ABŞ-dakı turnir Cənubi Amerika çempionatlarının 100 illik yubileyinə təsadüf edəcək. 1975-ci ildən Amerika kuboku adlanan yarışda 1993-cü ildən başlayaraq, KONKAKAF təmsilçiləri də qatılır.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi