“Bizim üçün kubok matçı çox önəmli idi. Növbəti mərhələyə adlamaq istəyirdik, ancaq alınmadı”. Bu sözləri apasport.az saytına açıqlamasında “Sumqayıt” klubunun qapıçısı Andrey Popoviç deyib.

Ölkə kubokunun 1/8 finalında “Bakı” ilə qarşılaşan “Sumqayıt” oyunsonrası penaltilər seriyasında məğlub olub. Əlavə 30 dəqiqənin sonuna 1 dəqiqə qalmış baş məşqçi Aqil Məmmədov Popoviçi meydana buraxıb. Özünü yaxşı tərəfdən göstərən Popoviç 2 penaltini dəf etsə də, bu, komandasının mərhələ adlaması üçün bəs etməyib. Bununla bağlı danışan gənc qolkiper bəxtlərinin gətirmədiyini bildirib: “Təəssüf ki, uduzaraq, mübarizəni dayandırdıq. Ancaq bu futboldur, hər şey mümkündü. Penaltilər seriyası lotereyadı. Nə qədər məyus olsam da, xeyri yoxdu. Mübarizəni dayandıran tərəf biz olduq”.

Popoviç 119-cu dəqiqədə oyuna daxil olmasını belə şərh edib: “Məşqçi həmin dəqiqədə oyuna girməyimi istədi. Təbii ki, bunu penaltilər seriyası üçün etdi. Mən də çalışdım ki, qapıda inamlı durmaqla, onun etimadını doğruldum”. 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı