“Neftçi” baş məşqçisi vəzifəsinə Arif Əsədov təyin olunub. Apasport.az saytının məlumatına görə, onunla 2 illik müqavilə imzalanıb.
Onun köməkçisinin adına da aydınlıq gəlib. Belə ki, Elmir Xankişiyev köməkçi məşqçi vəzifəsinə təyin edilib. “Neftçi”nin prezidenti Sadıq Sadıqov Arif Əsədovu bu gün məşqçi və futbolçu heyətinə təqdim edib. Klub prezidenti ona yeni işində uğurlar arzulayıb. Arif Əsədov ona göstərilən etimada görə klub prezidentinə təşəkkürünü bildirib.
Mütəxəssis təyinatı ilə bağlı klubun rəsmi saytına danışıb: “İlk növbədə klub prezidenti Sadıq Sadıqova təşəkkür edirəm ki, məni yenidən “Neftçi”yə dəvət etdi. Bu komanda həmişə mənim üçün doğma olub. Həm futbolçu, həm də məşqçi kimi “Neftçi”də püxtələşmişəm. Bu komandanın hər zaman yüksək yerlər uğrunda mübarizə apardığını bilirəm. Burda çempionluq sevinci yaşamışam. Çalışacağıq ki, “Neftçi”nin ötən mövsüm çempionatdakı uğursuzluğunu unutduraq”.
Qeyd edək ki, Böyükağa Hacıyev dünən axşam istefaya göndərilib.
Oxşar xəbərlər
Ana səhifə
Bütün xəbərlər